भारतमा चुनाव र संविधानबाटै सरकार परिवर्तन गर्ने प्रकाश राजको भनाइ
ड्रागन मिडिया समाचार कक्ष
भारतीय अभिनेता तथा अभियन्ता प्रकाश राजले भारतमा सरकार परिवर्तन चुनाव र संवैधानिक प्रक्रियाबाट गर्ने बताएका छन्। “हामी नेपाल होइनौँ, हामी बंगलादेश होइनौँ” भन्दै उनले भारतमा राजनीतिक परिवर्तन लोकतान्त्रिक माध्यमबाटै ल्याइने स्पष्ट पारेका छन्।
इन्डिया टुडेसँग शुक्रबार भएको अन्तर्वार्तामा राजले सन् २०२९ को लोकसभा निर्वाचनसम्म चुनावी प्रक्रियामार्फत राजनीतिक सङ्घर्ष जारी राख्ने बताए। उनले शान्तिपूर्ण प्रदर्शन, सरकारसँग प्रश्न गर्ने र मतदान गर्ने अधिकार संवैधानिक अधिकार भएको उल्लेख गरे।
दिल्लीमा प्रस्तावित तिरंगा मार्चअघि ककरोच जनता पार्टीका संस्थापक अभिजीत दिप्के पक्राउ परेपछि राजको प्रतिक्रिया आएको हो। मतदाता नामावलीको विशेष गहन पुनरावलोकनमा अनियमितता भएको आरोप लगाउँदै उक्त पार्टीले प्रमुख निर्वाचन आयुक्त ज्ञानेश कुमारविरुद्ध प्रदर्शन गर्दै आएको इन्डिया टुडेको समाचारमा उल्लेख छ।
