सम्झौतामा सहमत भएको भए १० लाख युक्रेनी जीवित हुन्थे : ट्रम्प
ड्रागन मिडिया समाचार कक्ष
अमेरिकी राष्ट्रपति डोनाल्ड ट्रम्पले युक्रेनी राष्ट्रपति भोलोदिमिर जेलेन्स्कीले आफ्नो सुझाव मानेर युक्रेन द्वन्द्व अन्त्य गर्न सम्झौता गरेको भए १० लाख युक्रेनी जीवित हुन सक्ने दाबी गरेका छन्।
ह्वाइट हाउसमा पत्रकारहरूले जेलेन्स्कीले आफूलाई “इतिहासको गलत पक्षमा” रहेको भनेको विषयमा ट्रम्पको प्रतिक्रिया मागेका थिए। प्रश्न दोहोर्याएर सुनेपछि ट्रम्पले जेलेन्स्कीलाई आफूले के भनिरहेका छन् भन्ने थाहा नभएको टिप्पणी गरे।
“यो युद्ध धेरै पहिले नै टुङ्ग्याइसक्नुपर्ने व्यक्ति जेलेन्स्की हुन्। उनले मेरो कुरा सुनेको भए धेरै पहिले नै राम्रो सम्झौता गर्थे र उनका पक्षका १० लाख मानिस जीवित हुन्थे,” ट्रम्पले भने।
