‘कबड्डी ५’ प्रदर्शनमा, पहिलो दिनको सुरुआत उत्साहजनक

ड्रागन मिडिया सम्वाददाता

रामबाबु गुरुङ निर्देशित नेपाली चलचित्र ‘कबड्डी ५ः आफ्टर द फाइनल म्याच’ शुक्रबारदेखि देशभरका चलचित्रघरमा प्रदर्शनमा आएको छ। चलचित्रले पहिलो दिन देशभरका चलचित्रघरमा धेरै प्रदर्शन समय पाएको र प्रारम्भिक दर्शक उपस्थिति उत्साहजनक रहेको समाचारमा जनाइएको छ।

चलचित्रमा दयाहाङ राई, विपीन कार्की, विजय बराल, बुद्धि तामाङ, रिश्मा गुरुङ, मिरुना मगर, सिर्जना गुरुङलगायत कलाकारको अभिनय छ। ‘कबड्डी’ शृङ्खलाको पाँचौँ चलचित्रमा काजीको विवाह र त्यससँग जोडिएका घटनालाई कथाको केन्द्रमा राखिएको छ। प्रदर्शनअघि सार्वजनिक अग्रिम टिकट बिक्रीमा पनि दर्शकको रुचि देखिएको वितरकले बताएका छन्।