स्टारलिङ्कको सर्त उल्लङ्घन गरेको युक्रेनी सेनामाथि मस्कको आरोप
ड्रागन मिडिया समाचार कक्ष
स्पेसएक्सका संस्थापक एलन मस्कले युक्रेनी सेनाले स्टारलिङ्कको सेवा सर्त उल्लङ्घन गर्दै आक्रामक ड्रोन आक्रमणमा सेवा प्रयोग गरेको आरोप लगाएका छन्। उनले एक्समा लेख्दै यस्तो प्रयोग सम्भव बनाउने प्राविधिक कमजोरी गत साता बन्द गरिएको बताएका छन्।
मस्कका अनुसार स्टारलिङ्कको व्यावसायिक सेवा मानिसको ज्यान लिन गरिने आक्रामक आक्रमणका लागि प्रयोग गर्न अनुमति छैन। उनले युद्ध लम्ब्याउन समर्थन गर्ने तर समाधानको व्यावहारिक उपाय नदिनेहरूलाई पनि कडा आलोचना गरेका छन्।
युक्रेनमा स्पेसएक्सको उपग्रह सञ्चार सेवामा गत साता लगाइएका प्रतिबन्धले सेनाका केही अभियान प्रभावित भएको युक्रेनी अधिकारीहरूले बताएका थिए। सेवा सामान्य अवस्थामा फर्किएको युक्रेनको भनाइपछि मस्कले सर्त उल्लङ्घनको आरोप सार्वजनिक गरेका हुन्। घटनाको स्वतन्त्र पुष्टि भएको छैन।
