चिनियाँ कम्युनिस्ट पार्टीको २०औँ केन्द्रीय समितिको पाँचौँ पूर्ण बैठक सुरु
ड्रागन मिडिया समाचार कक्ष
चिनियाँ कम्युनिस्ट पार्टी (सीपीसी) को २०औँ केन्द्रीय समितिको पाँचौँ पूर्ण बैठक सोमबार बिहान बेइजिङमा सुरु भएको छ। पार्टी केन्द्रीय समितिका महासचिव सी चिनफिङले पोलिटब्युरोका तर्फबाट कार्यप्रतिवेदन प्रस्तुत गर्दै पार्टीभित्र व्यापक र कठोर स्वशासनलाई निरन्तरता दिने विषयमा तयार मस्यौदा निर्णयबारे व्याख्या गरेका छन्।
मस्यौदा निर्णयले नयाँ युगमा पार्टीको व्यापक र कठोर स्वशासनका उपलब्धि तथा अनुभवको समीक्षा गरेको छ। साथै, पार्टी निर्माणको वर्तमान अवस्था र आगामी कार्यभारको विश्लेषण गर्दै यसलाई अझ सुदृढ बनाउने रणनीतिक योजना अघि सारेको छ।
सन् २०१२ मा भएको सीपीसीको १८औँ राष्ट्रिय महाधिवेशनयता पार्टीभित्र व्यापक र कठोर स्वशासनका प्रयासमा उल्लेखनीय प्रगति भएको पोलिटब्युरोले यसअघि जनाएको थियो। ती प्रयासले पार्टीको आत्मसुधारलाई नयाँ चरणमा पुर्याएको र पार्टी तथा देशको काममा ऐतिहासिक उपलब्धि र परिवर्तन ल्याएको उसको भनाइ थियो।
विश्व, चीन र पार्टीभित्र भइरहेका गहिरा परिवर्तनसँगै पार्टीको स्वशासनका प्रयासले नयाँ परिस्थिति र चुनौती सामना गरिरहेको बैठकले जनाएको छ। पार्टी निर्माणका प्रमुख समस्याहरू समाधान गर्न उच्च मापदण्ड र ठोस उपाय अपनाउन, यसअघिका उपयोगी अनुभवलाई लागू गर्न तथा पार्टीभित्रको राजनीतिक वातावरणलाई अझ सुदृढ बनाउन बैठकले आह्वान गरेको छ।
