एमसीसीमा भविष्यमा कुनै ‘बदमासी’ भए त्यसविरुद्ध आन्दोलन गर्ने ठाउँ राखेका छौंः प्रचण्ड
काठमाडौं । नेकपा (माओवादी केन्द्र) का अध्यक्ष पुष्पकमल दाहाल प्रचण्डले एमसीसीसम्बन्धी सम्झौता जस्ताको तस्तै पारित हुने गम्भीर खतरा देखिएपछि पार्टी व्याख्यात्मक टिप्पणीसहित पारित गर्न तयार भएको बताएका छन् ।
बुधबार पार्टी नेता लीलामणि पोखरेलद्वारा लिखित पुस्तक ‘नेपालमा एमसीसी’ को विमोचन कार्यक्रममा अध्यक्ष प्रचण्डले एमसीसीबारे माओवादी केन्द्रले सुरु देखिनै गहिरो अध्ययन र बहस गरेको बताए।
माओवादी केन्द्रले एमसीसी र आइपीएसप्रति सबैभन्दा स्पष्ट र दृढ अडान राखेको भन्दै प्रचण्डले भविष्यमा कुनै ‘बदमासी’ भए त्यसविरुद्ध आन्दोलन गर्न सकिने आधारका रूपमा व्याख्यात्मक टिप्पणी गरिएको बताए ।
उनले भने, ’नेकपा कालमा मैले नै नेतृत्व गरेर एमसीसीबारे के गर्ने भनेर कार्यदल गठन गरिएको थियो । कार्यदलले अनुमोदन गर्न हुँदैन भन्ने निष्कर्षसहित प्रतिवेदन दिएको थियो।’
उनले तत्कालीन अवस्थामा नेपाली कांग्रेस एमसीसीलाई जस्ताको तस्तै पारित गर्न जोडदार लागिपरेकोमा त्यसभन्दा बढी एमाले नेतृत्व ‘कमा फुलिस्टप’ परिवर्तन गर्न हुँदैन भन्ने पक्षमा देखिएको बताए ।
Nepal Samaj
