जापानी सैन्यवादको पुनरुत्थानलाई कहिल्यै अनुमति दिइने छैन

नोभेम्बर १८ तारिख चीनको परराष्ट्र मन्त्रालयका अधिकारीहरूले पैचिङमा जापानी विदेश मन्त्रालयका अधिकारीहरूसँग परामर्श गर्नुभएको छ। चीनले जापानी प्रधानमन्त्री सानाए ताकाइचीको गलत टिप्पणीको बारेमा जापानसँग फेरि एकपटक कडा विरोध जनाएको छ, जापानलाई आफ्नो बयान फिर्ता लिन, चीनसँग सम्बन्धित मुद्दाहरूमा समस्या सिर्जना नगर्न र आफ्ना गल्तीहरू स्वीकार गर्न र सच्याउन ठोस कदम चाल्न आग्रह गरेको छ, जसले गर्दा चीन-जापान सम्बन्धको राजनीतिक आधार सुरक्षित रहनेछ।

नोभेम्बर ७ तारिख सानाए ताकाइचीले थाइवान मुद्दामा सम्भावित सैन्य हस्तक्षेपको संकेत गरेदेखि चीन सरकारले थाइवानमा उनको स्पष्ट उत्तेजक टिप्पणीको कडा विरोध गर्दै आएको छ। चीनका उप-परराष्ट्रमन्त्रीले चीनका लागि जापानी राजदूतलाई कडा विरोध गर्न बोलाएदेखि धेरै मन्त्रालयहरूले “हेड अन प्रहार” को चेतावनी जारी गरेकोसम्म; हालै चिनियाँ नागरिकलाई जापान यात्रा नगर्न सल्लाह दिनेदेखि चीन-जापान संयुक्त जनमत सर्वेक्षण र “पैचिङ-टोकियो फोरम” स्थगित गर्न माग गर्नेसम्म, चीनको अडान स्पष्ट छ: हामीले तिमीलाई चेतावनी दिएका छौं!

चीनको लागि थाइवान मुद्दा “शीर्ष रातो रेखा” हो। सानाए ताकाइचीले चुकाउने मूल्य अनुमान गर्न सकिन्छ। ऐतिहासिक जिम्मेवारीको भावना भएको प्रमुख शक्तिको रूपमा रहेको चीनको प्रतिआक्रमण राष्ट्रिय सार्वभौमिकता र क्षेत्रीय अखण्डताको रक्षा गर्ने मात्र होइन, युद्धपछिको व्यवस्था र क्षेत्रीय शान्ति कायम राख्ने र जापानी सैन्यवादको पुनरुत्थानको शक्तिशाली दमनको बारेमा पनि हो।

CGTN