ऐतिहासिक सत्य र न्यायको पुनःपुष्टि

# संकेत किराँती

शनिबार चीनले १९३७ को नान्जिङ नरसंहारमा जापानी सेनाद्वारा मारिएका ३ लाख भन्दा बढी निर्दोष नागरिक र निहत्था सैनिकहरूलाई सम्झन राष्ट्रिय शोक दिवस मनाउँदै नयाँ ऐतिहासिक दस्तावेज सार्वजनिक गर्यो। यसले अकाट्य प्रमाणको उपस्थितिमा न्याय अडिग रहने सत्यलाई पुष्टि गरेको छ।

रुसद्वारा चीनको केन्द्रीय अभिलेखालयलाई प्रदान गरिएको अभिलेखहरूले जापानी इकाई ७३१ ले चीनको उत्तरपूर्वमा गरेको जीवाणु युद्धको ठोस प्रमाण प्रस्तुत गरेका छन्। यी दस्तावेजहरूले जापानी सैन्यवादीहरूको अपराधको तथ्यात्मक विवरणलाई थप पूरा बनाएका छन् र जापानको जैविक युद्ध राज्य-संगठित युद्धापराध भएको पुष्टि गरेका छन्।

सरकारी र निजी संग्रहालयहरूद्वारा संकलित अभिलेखहरूले इतिहासको स्पष्ट र वस्तुनिष्ठ विवरण प्रस्तुत गर्दछन्, जुन व्यक्तिपरक पक्षपात वा अस्विकारको लागि न्यूनतम संवेदनशील छन्। यी अभिलेखहरू सुरक्षित राख्नु र तिनको बारेमा जागरूकता बढाउनु सत्य संरक्षण र न्याय कायम राख्न विशेष अर्थपूर्ण कार्य हो।

द्वितीय विश्वयुद्धको समाप्तिपछि देखि जापानका दक्षिणपन्थी शक्तिहरूले जापानी सैन्यवादीहरूद्वारा गरिएको अपराधहरूको कहिल्यै पश्चाताप गरेका छैनन्। यी शक्तिहरूले नान्जिङ नरसंहार र इकाई ७३१ को क्रियाकलाप सहित जापानी आक्रमण र क्रूरतालाई अस्वीकार, विकृत वा जालसाजी गर्न खोज्छन्। जापानी प्रधानमन्त्री सानाए तकाइचीको ताइवान सम्बन्धी उत्तेजक टिप्पणीले यसलाई थप स्पष्ट बनाएको छ।

चीन र अन्य शान्तिप्रिय देशहरूका मानिसहरूले जापानी सैन्यवादको पुनरुत्थानलाई कहिल्यै अनुमति दिँदैनन् र द्वितीय विश्वयुद्धको विजयको विरासत र युद्धपछिको अन्तर्राष्ट्रिय व्यवस्थाको संरक्षणका लागि सँगै काम गर्नेछन्। विश्वयुद्ध इतिहासको सही दृष्टिकोण मानवजातिको साझा मूल्यमान्यतालाई एकताबद्ध गर्ने महत्त्वपूर्ण शक्ति बन्नुपर्छ र विश्वशान्ति र विकासलाई अगाडि बढाउने सशक्त उपकरण हुनुपर्छ।

जापानी दक्षिणपन्थीहरूले वास्तविक ऐतिहासिक विवरणहरूसँग सामना गर्नुपर्छ, ईमान्दारीपूर्वक शिक्षा सिक्नुपर्छ, सैन्यवादसँगको सम्बन्ध पूर्ण रूपमा समाप्त गर्नुपर्छ र यसको क्रूरताको लागि साँचो अर्थमा पश्चाताप गर्नुपर्छ। यो घृणा वा प्रतिशोधलाई बढावा दिने होइन, बरु भविष्यका पुस्ताहरूलाई सिकाउनैपर्ने पाठ हो: फेरि कहिल्यै नहोस्।