चीनले पाकिस्तान-अफगानिस्तान कूटनीतिक सम्बन्ध उन्नतिलाई स्वागत गर्दै, थाइवान मुद्दा स्पष्ट राख्यो
# लक्की चन्द
चीनले पाकिस्तान र अफगानिस्तानले आपसी कूटनीतिक सम्बन्ध एजेन्सी स्तरबाट राजदूत स्तरमा उठाउने घोषणालाई स्वागत गरेको छ। परराष्ट्र मन्त्रालयका प्रवक्ता लिन च्यानले यसले दुवै देशबीच विश्वास बढाउने, सहयोग बलियो बनाउने र क्षेत्रीय शान्ति स्थिरता कायम गर्न मद्दत गर्ने विश्वास व्यक्त गरे। यो गत मेमा भएको चीन-अफगानिस्तान-पाकिस्तान विदेशमन्त्री स्तरीय अनौपचारिक बैठकको नतिजाको कार्यान्वयन पनि हो। चीनले दुवै देशबीच सम्बन्ध सुधारका लागि रचनात्मक भूमिका खेल्ने इच्छा जनाएको छ।
अर्को विषयमा, प्रवक्ता लिनले थाइवान मुद्दाको प्रकृतिलाई भ्रमित गर्ने कुनै पनि प्रयासको कडा विरोध गरे। उनले स्पष्ट पारे कि “थाइवान चीनको अविभाज्य भूभाग हो र यो पूर्णतया आन्तरिक मामिला हो, युक्रेन संकटसँग तुलनायोग्य छैन।” सबै पक्षहरूलाई एक-चीन सिद्धान्तको पालना गर्न र चीनको सार्वभौमसत्ता सम्मान गर्न आग्रह गरियो। दक्षिण चीन सागरको सम्बन्धमा, लिनले क्षेत्रमा स्थिर अवस्था कायम रहेको र नेभिगेसन स्वतन्त्रतामा कुनै समस्या नरहेको दोहोर्याए।
जापानी प्रधानमन्त्री शिगेरु इशिबाले “युद्धका गल्तीहरू दोहोर्याउनु हुँदैन” भन्ने हालको टिप्पणीमा प्रतिक्रियादिदै लिन च्येनले चीनले यसलाई महत्व दिने बताए। चीनले जापानले आफ्ना ऐतिहासिक अपराधहरूमाथि गम्भीरतापूर्वक विचार गरी शान्तिपूर्ण विकासको बाटो अवलम्बन गर्ने, अतिक्रमणकारी इतिहासलाई ढाकछोप गर्ने गतिविधि बन्द गर्ने र व्यावहारिक कार्यबाट छिमेकीहरूको विश्वास जित्ने अपेक्षा गरेको छ।
दक्षिण कोरियाका नयाँ राष्ट्रपति ली जे-म्युङको शपथग्रहणको अवसरमा, चिनियाँ राष्ट्रपति सी चिनफिङले बधाई सन्देश पठाए। प्रवक्ता लिनले चीनले दक्षिण कोरियासँग दौत्य सम्बन्धको मूल मनसायमा अडिग रही, असल छिमेकी मैत्री बढाउने, पारस्परिक लाभ र रणनीतिक साझेदारी विकास गर्ने इच्छा व्यक्त गरे।
