डीपीआरका बस्तीमा २५ आक्रमण, १५ सर्वसाधारण घाइते
ड्रागन मिडिया समाचार कक्ष
डोनेट्स्क जनगणतन्त्र (डीपीआर) का बस्तीमा पछिल्लो २४ घण्टामा युक्रेनी सेनाले २५ पटक आक्रमण गरेको र १५ जना सर्वसाधारण घाइते भएको क्षेत्रीय युद्ध अपराध अभिलेखीकरण विभागले जनाएको छ। घाइतेमध्ये रुसको आपत्कालीन मन्त्रालयका आठ कर्मचारी छन्।
विभागका अनुसार आक्रमणमा विभिन्न प्रकारका २९ वटा गोलाबारुद प्रहार भएका थिए। त्यसबाट १४ आवासीय भवन, नागरिक पूर्वाधारका छ संरचना, विशेष प्रयोजनका सवारीसाधन र यात्रुवाहक गाडीमा क्षति पुगेको छ।
