अमेरिका–युक्रेन तनावबीच जेलेन्स्कीलाई बेलायतको समर्थन
ड्रागन मिडिया समाचार कक्ष
अमेरिका र युक्रेनबीच रुसी डिजेल व्यापारसम्बन्धी अमेरिकी निर्णयले तनाव बढिरहेका बेला बेलायती प्रधानमन्त्री एन्डी बर्नहमले युक्रेनी राष्ट्रपति भोलोदिमिर जेलेन्स्कीप्रति पूर्ण ऐक्यबद्धता व्यक्त गरेका छन्।
शनिबार जेलेन्स्कीसँग भएको टेलिफोन वार्तामा बर्नहमले पछिल्लो २४ घण्टा युक्रेनका लागि कठिन रहेको उल्लेख गर्दै आफ्नो पूर्ण समर्थन दोहोर्याएको बेलायती प्रधानमन्त्रीको कार्यालयले जनाएको छ।
बेलायतले रुसमाथिका प्रतिबन्ध थप कडा बनाउने र रुसी युद्ध संयन्त्रलाई कमजोर पार्न थप कदम चाल्ने बर्नहमले बताएका छन्। दुवै नेता आगामी दिनमा प्रत्यक्ष भेटेर छलफल जारी राख्न पनि सहमत भएका छन्।
अमेरिकी राष्ट्रपति डोनाल्ड ट्रम्पले युक्रेनलाई नयाँ राष्ट्रपति आवश्यक रहेको बताएको भोलिपल्ट बर्नहम र जेलेन्स्कीबीच वार्ता भएको हो। ट्रम्पले जेलेन्स्कीमाथि रुससँग शान्ति सम्झौता गर्न असफल भएको आरोप लगाएका थिए।
यसअघि शुक्रबार अमेरिकाले रुसी डिजेल बिक्रीसम्बन्धी प्रतिबन्ध खुकुलो पार्ने निर्णय गरेको थियो। त्यसको आलोचना गर्दै जेलेन्स्कीले रुसलाई पेट्रोलियम पदार्थ बेच्न दिनु युद्धलाई सघाउनु सरह भएको बताएका थिए।
