प्राकृतिक ग्यासको विश्व ऊर्जा सुरक्षामा भूमिकाबारे मस्कोमा छलफल हुँदै
ड्रागन मिडिया समाचार कक्ष
रूसी राष्ट्रपति भ्लादिमिर पुटिनले अक्टोबर २७ मा मस्कोमा हुने ग्यास निर्यातक देशहरूको मञ्चको आठौँ राष्ट्र तथा सरकार प्रमुखस्तरीय शिखर सम्मेलनमा सहभागी हुने भएका छन्।
सम्मेलनको पूर्ण बैठकमा सहभागी देशका प्रतिनिधिमण्डल प्रमुखहरूले विश्व ऊर्जा सुरक्षा सुनिश्चित गर्न प्राकृतिक ग्यासको भूमिका र विश्व बजारमा यसको भरपर्दो आपूर्ति कायम राख्न सहकार्य थप सुदृढ गर्ने उपायबारे छलफल गर्नेछन्।
पूर्ण बैठकपछि शिखर सम्मेलनको अन्तिम घोषणापत्र जारी गरिनेछ। सम्मेलनमा सहभागी विदेशी नेताहरूसँग राष्ट्रपति पुटिनले छुट्टाछुट्टै भेटवार्ता गर्ने कार्यक्रम पनि रहेको छ।
रूसी राष्ट्रपति कार्यालयका सहयोगी युरी उशाकोभका अनुसार मस्को घोषणापत्रमा प्राकृतिक ग्यासको विश्व ऊर्जा सुरक्षामा योगदान र उत्पादक देशहरूको भरपर्दो आपूर्तिकर्ताका रूपमा रहेको भूमिकालाई जोड दिइनेछ।
