अमेरिका रुससँग संवाद विस्तार गर्न खुला छ, युरोपले अन्तिम समयसम्म सम्पर्क अस्वीकार गर्यो : लाभ्रोभ
ड्रागन मिडिया समाचार कक्ष
अमेरिकी राष्ट्रपति डोनाल्ड ट्रम्पको प्रशासनले रुससँग संवाद विकास र विस्तार गर्न सुरुदेखि नै समर्थन गरेको, तर युरोपले अन्तिम समयसम्म मस्कोसँग सम्पर्क गर्न अस्वीकार गरेको रुसी विदेशमन्त्री सर्गेई लाभ्रोभले बताएका छन्।
अफ्रिकी सञ्चारमाध्यमका प्रधानसम्पादकहरूसँगको भेटमा लाभ्रोभले युक्रेनलाई सहयोग गर्न अमेरिकाले युरोपेली देशहरूलाई हतियार उपलब्ध गराएको र उपग्रहबाट प्राप्त गुप्तचर सूचना दिएको भए पनि ट्रम्प प्रशासन रुससँग संवाद गर्न खुला रहेको बताए। उनका अनुसार अमेरिकी प्रशासनले संवादलाई अझ गहिरो बनाउँदै सकेसम्म धेरै क्षेत्रमा विस्तार गर्न सार्वजनिक रूपमा समर्थन गरेको छ।
“युरोपले भने अन्तिम समयसम्म रुससँग कुनै पनि सम्पर्क गर्न स्पष्ट रूपमा अस्वीकार गर्यो,” लाभ्रोभले भने।
