हङकङको उच्च शिक्षा सम्मेलनमा नर्दर्न मेट्रोपोलिस विश्वविद्यालय नगर विकासमा जोड
ड्रागन मिडिया समाचार कक्ष
ग्लोबल युनिभर्सिटी प्रेसिडेन्ट्स एन्ड लिडर्स समिट २०२६ मंगलबार हङकङमा सुरु भएको छ। सम्मेलनमा नर्दर्न मेट्रोपोलिस विश्वविद्यालय नगरको विकास र सरकार, उद्योग, शैक्षिक संस्था, अनुसन्धान तथा लगानी क्षेत्रबीचको सहकार्यलाई मुख्य विषय बनाइएको छ।
हङकङ एसोसिएसन फर एक्स्टर्नल फ्रेन्डसिपले आयोजना गरेको दुईदिने सम्मेलनमा २० भन्दा बढी देश तथा क्षेत्रका ५० भन्दा बढी विश्वविद्यालयका अध्यक्ष र वरिष्ठ अधिकारी सहभागी छन्।
उद्घाटन समारोहमा हङकङ विशेष प्रशासनिक क्षेत्रका प्रमुख कार्यकारी जोन लीले नर्दर्न मेट्रोपोलिस हङकङको पाँचवर्षे योजना र भविष्यका लागि महत्वपूर्ण रहेको बताए। यसको विकासमा शिक्षा, प्रविधि, उद्योग, प्रतिभा र सहरी विकासलाई एकीकृत गर्ने तीन विश्वविद्यालय नगर मुख्य आधार हुने उनले बताए।
सरकार उद्योग, शैक्षिक क्षेत्र र अनुसन्धानबीचको सहकार्य र समन्वयलाई थप बलियो बनाउन प्रतिबद्ध रहेको लीले बताए। उनले नर्दर्न मेट्रोपोलिस र त्यहाँका विश्वविद्यालय नगर विकासमा साझेदारी गर्न सहभागीहरूलाई आह्वान गरे।
