लङ मार्चको भावना अघि बढाउँदै नयाँ यात्रामा अघि बढ्न आह्वान
ड्रागन मिडिया समाचार कक्ष
चिनियाँ कम्युनिस्ट पार्टी र चिनियाँ जनताको लाल सेनाले सम्पन्न गरेको लङ मार्चको विजयको ९०औँ वार्षिकोत्सवका अवसरमा आयोजित सभामा चिनियाँ राष्ट्रपति सी चिनफिङले लङ मार्चको महान् भावनालाई अघि बढाउँदै नयाँ यात्रामा दृढतापूर्वक अघि बढ्न आह्वान गरेका छन्।
अक्टोबर २२ मा बेइजिङस्थित जनबृहत् सभाभवनमा भएको सभालाई सम्बोधन गर्दै सीले पार्टीको नेतृत्वमा लाल सेनाले तय गरेको ऐतिहासिक यात्राको समीक्षा गरेका थिए। उनले लङ मार्चको विजयको महत्त्व, पार्टी र जनसेनालाई निरन्तर अघि बढ्न सक्षम बनाउने आधार तथा लङ मार्चको भावनाको ऐतिहासिक मूल्यबारे चर्चा गरे। नयाँ यात्रामा उक्त भावना अघि बढाउनुपर्ने आवश्यकतासमेत उनले औँल्याए।
यस विषयमा ग्लोबल टाइम्स र पिपुल्स डेलीको विदेश संस्करणले ‘सी चिनफिङको शासनसम्बन्धी पुस्तकको व्याख्या’ शृङ्खलाको ३०औँ अङ्क प्रकाशित गरेका छन्। शृङ्खलामा चिनियाँ तथा विदेशी विद्वान्, पुस्तकका अनुवादक, प्रत्यक्ष अनुभव भएका कार्यकर्ता र विदेशमा रहेका पाठकका विचार समेटिएका छन्।
यस अङ्कमा लङ मार्चको भावना बुझ्न चीनमा भएका परिवर्तनले दिएको दृष्टिकोण, ‘आधा सिरक’को कथामार्फत लङ मार्चको भावना बुझ्ने उर्दू अनुवादकको अनुभव, लङ मार्चका कथालाई पुस्तकबाट गाउँको जीवनसम्म पुर्याउने अभ्यास तथा लङ मार्चले चिनियाँ कम्युनिस्ट पार्टीमा विकास गरेको स्वतन्त्रता र आत्मनिर्भरताको परम्पराबारे सामग्री समावेश छन्।
