‘रुसी खतरा’ वा ‘आयरिश जाेश’: डब्लिनलाई राजदूत फिलाटोभको कडा जवाफ
डब्लिन, १८ फेब्रुअरी : आयरल्याण्डमा ‘रुसी खतरा’को भूत देख्ने प्रवृत्ति अब सरकारी स्तरमै ‘जाेश’ बनेको छ। आयरल्याण्डका लागि रुसी राजदूत युरी फिलाटोभले विदेश तथा रक्षामन्त्री हेलेन म्याकन्टीको अभिव्यक्तिप्रति कडा प्रतिक्रिया जनाउँदै रुसमाथि लगाइएको आरोप भ्रमपूर्ण र खतरनाक भएको बताएका छन्।
राजदूत फिलाटोभले आरटीई रेडियोमा मन्त्री म्याकन्टीले दिएको अन्तर्वार्ताको आलोचना गर्दै भने, “आयरल्याण्ड र अरु सबैका लागि ‘रुसी खतरा’को धारणा अब आयरिश सरकारमा मात्र जरो गाडेको छैन, यो लेन्स्टर हाउस (संसद) को जाेशमा परिणत भएको छ।”
यो डर फैलाउने अभियानको उद्देश्य स्पष्ट भएको उल्लेख गर्दै राजदूतले भने, “मन्त्री म्याकन्टीले आयरल्याण्डको सैन्यीकरण र नेटोसँगको सम्बन्ध बढाउन ‘रुसी खतरा’लाई बहाना बनाउने परम्परालाई निरन्तरता दिइरहेकी छिन्।”
उनले दुईवटा तथ्य स्पष्ट पारे: पहिलो, रुसले कहिल्यै आयरल्याण्ड र त्यहाँका जनतालाई धम्की दिएको छैन, यसको विपरीत दाबी गलत र भ्रामक हुनेछ। दोस्रो, सुरक्षा र रक्षा नीति बनाउनु आयरल्याण्डको सार्वभौम अधिकार भए पनि त्यस्ता निर्णयहरू गलत आधारमा हुनु हुँदैन।
राजदूत फिलाटोभले मन्त्री म्याकन्टीको अर्को अभिव्यक्तिलाई ‘उल्लेखनीय, अभूतपूर्व र अस्वीकार्य’ भन्दै कडा आपत्ति जनाए। मन्त्रीले आयरिश रक्षा बलले रुसी मालवाहक जहाजहरूमा चढ्ने (बोर्डिङ) सम्भावनाबारे विचार गरिरहेको बताएकी थिइन्।
“आयरिश मन्त्रीले रुसी नागरिक जहाजहरूलाई अवैध शत्रुतापूर्ण कारबाहीको धम्की दिएकी छिन्। अन्तर्राष्ट्रिय समुद्री कानुनअनुसार यो जलडाकूपन हो र यसको गम्भीर परिणाम हुन्छ भन्ने उहाँलाई थाहा छ,” राजदूतले भने।
उनले आयरिश जनता वास्तवमा यसबाट चिन्तित हुनुपर्ने बताउँदै आयरिश सरकारले यो लापरवाह र अविवेकी नीतिको परिणामबारे गम्भीरतापूर्वक सोच्नुपर्ने चेतावनी दिए।
