एआई शिखर सम्मेलनमा भेटवार्ता : भारत–स्लोभाकिया सम्बन्ध अभिवृद्धि हुने अपेक्षा
काठमाण्डौ, २० फेब्रुअरी । एआई इम्प्याक्ट शिखर सम्मेलनका अवसरमा प्रधानमन्त्री नरेन्द्र मोदी र स्लोभाक गणतन्त्रका राष्ट्रपति पिटर पेलेग्रिनीबीच द्विपक्षीय भेटवार्ता भएको छ। दुई नेताबीचको यो भेटमा द्विपक्षीय सम्बन्धका सम्पूर्ण आयामहरूको समीक्षा गर्दै व्यापार तथा लगानी, डिजिटल प्रविधि, रक्षा, अन्तरिक्ष, ऊर्जा, संस्कृति र जनता – जनता बीचको सम्बन्धलाई अझ सुदृढ बनाउने विषयमा छलफल भएको थियो।
दुवै नेताले ऐतिहासिक भारत–युरोपियन संघ व्यापार सम्झौता र भारत–ईयू संयुक्त व्यापक रणनीतिक एजेन्डा २०३० ले दुईपक्षीय सम्बन्धमा ल्याएको नयाँ गतिको स्वागत गरे। यी सम्झौताले दुई देशबीचको सहकार्यलाई थप मजबुत बनाउन मद्दत पुग्ने विश्वास उनीहरूले व्यक्त गरे।
वार्तापछि जारी विज्ञप्ति अनुसार दुवै नेताले विशेष गरी डिजिटल क्षेत्रमा भारत–स्लोभाकिया सम्बन्धलाई पारस्परिक हितका लागि अझ सुदृढ बनाउने सहमति जनाएका छन्। यससँगै सूचना प्रविधि र डिजिटल नवप्रवर्तनका क्षेत्रमा दुई देशबीच सहकार्य अभिवृद्धि हुने अपेक्षा गरिएको छ।
