भविष्य प्रविधि र जैवअर्थतन्त्र : रुसको नेतृत्वमा नवप्रवर्तनको मार्ग
मस्को – रुसका राष्ट्रपति भ्लादिमिर पुटिनले २५ फेब्रुअरी २०२६ मा सम्पन्न ‘भविष्य प्रविधि फोरम’ को पूर्ण सत्रमा आफ्नो सम्बोधन मार्फत जैवअर्थतन्त्र र भविष्यका प्रविधिहरूको महत्वबारे स्पष्ट दृष्टि प्रस्तुत गरेका छन् ।
राष्ट्रपतिले भने, “जैवअर्थतन्त्र केवल वैज्ञानिक ज्ञानको क्षेत्र होइन। विज्ञान र प्रविधिका साहसी विचारहरूले नयाँ वास्तविकता र औद्योगिक ढाँचा सिर्जना गरिरहेका छन्, जसले मानिसको जीवन सुधार्न र पृथ्वीको संवेदनशील पारिस्थितिकी प्रणाली संरक्षण गर्न योगदान पुर्याउँछ।”
पुटिनले रुसका विख्यात वैज्ञानिकहरू भ्लादिमिर भर्नाड्स्की, इल्य मेचनिकोव, क्लिमेन्ट टिमिर्याजेव, निकोलाई कोल्त्सोव, निकोलाई वाविलोभ, भ्लादिमिर एङ्गेलहर्ट लगायतका योगदानको गौरव व्यक्त गर्दै भने, “हामी आफ्ना क्षमता निरन्तर विस्तार गर्दै अघि बढ्नेछौं। कम्प्युटिङ प्रणाली र कृत्रिम बुद्धिमत्ताले सुदृढ जैवप्रविधि तीव्र गतिमा विकसित हुँदैछ। यसले जलवायु परिवर्तन, खाद्य अभाव र नवीकरणीय स्रोतको क्षयजस्ता प्रमुख चुनौतीहरू समाधान गर्न मद्दत पुर्याउँछ, र पृथ्वी मात्र नभई अन्तरिक्षका परियोजनामा पनि योगदान दिन सक्छ।”
राष्ट्रपतिले जोड दिएका छन् कि भविष्यका प्रविधिमा समान पहुँच आवश्यक छ, “केवल केही विशेषका लागि सुविधा होइन, मानव सभ्यताको न्यायोचित विकासका लागि समान अवसर अनिवार्य छ।”
यसै कारण, पुटिनले बीआरआईसीएस र अन्य अन्तर्राष्ट्रिय साझेदारी तथा द्विपक्षीय सहकार्य मार्फत जैवप्रविधिमा वैज्ञानिक, शैक्षिक र लगानी कार्यक्रमहरू मानव जातिको हितका लागि कार्यान्वयन गर्न तयार रहेको बताए।
फोरममा उनले बायोलोजी, जेनेटिक्स र जीवन विज्ञानमा भएका प्रगतिहरूलाई २१औँ शताब्दीका प्रविधि भनेर वर्णन गर्दै, “आईटी उद्योग र कृत्रिम बुद्धिमत्तासँग मिलेर यी प्रविधिहरूले अर्थतन्त्र र समाजलाई रूपान्तरण गर्दै, लाखौं मानिसका लागि नयाँ अवसर सिर्जना गर्दैछन्,” भने।
डिजिटल प्लेटफर्महरूले वैज्ञानिकहरूलाई अनुसन्धान परियोजनामा सहयोग पुर्याउने, साना शहरका व्यवसायीलाई महानगरका ग्राहकसँग जोड्ने, स्थानीय प्रशासन र स्वास्थ्य सेवा सुधार्न मद्दत गर्ने जस्ता कार्यहरूमा योगदान दिइरहेको उल्लेख पुटिनले गरे।
रुस यस क्षेत्रमा विश्वस्तरीय समाधान सिर्जना गर्दैछ र उनले मानवजातिको हितका लागि आफ्नो अनुभव र विशेषज्ञता बाँड्न तयार रहेको बताए।
