६५ प्रतिशत अमेरिकीले मूल्यवृद्धिमा ट्रम्पका नीतिलाई जिम्मेवार ठहराए
ड्रागन मिडिया समाचार कक्ष
अमेरिकामा बढ्दो मूल्यवृद्धिका लागि ६५ प्रतिशत नागरिकले राष्ट्रपति डोनाल्ड ट्रम्पका नीतिलाई जिम्मेवार ठहराएका छन्। एपी–नोरक सर्वेक्षणअनुसार जीवनयापन खर्च व्यवस्थापनमा ट्रम्पलाई समर्थन गर्ने नागरिक १७ प्रतिशत मात्र छन् भने अर्थतन्त्र सञ्चालनप्रति समर्थन २६ प्रतिशत छ।
करिब ७० प्रतिशतले जीवनयापन खर्चबारे ट्रम्पको काम आफ्नो अपेक्षाभन्दा खराब भएको बताएका छन्। खाद्यान्न र इन्धन किन्न सक्ने विषयमा चिन्ता गर्ने नागरिकको सङ्ख्या पनि बढेको सर्वेक्षणमा उल्लेख छ।
सेप्टेम्बर २४ देखि २८ सम्म २,१४० वयस्कमाझ गरिएको सर्वेक्षणको त्रुटि सीमा २.९ प्रतिशत अङ्क छ। नोभेम्बरको मध्यावधि निर्वाचन नजिकिँदै गर्दा महँगी र आर्थिक व्यवस्थापनप्रतिको असन्तुष्टि ट्रम्प प्रशासनका लागि राजनीतिक चुनौती बनेको छ।
