अन्तर्राष्ट्रिय ओलम्पिक समितिका नयाँ अध्यक्ष फेरि चीन भ्रमण गर्न उत्सुक
जुन २३ तारिखमा अन्तर्राष्ट्रिय ओलम्पिक समितिको अध्यक्षको रूपमा भर्खरै पदभार ग्रहण गरेकी क्रिस्टी कोभेन्ट्रीले स्विजरल्याण्डको लुसानमा चाइना मिडिया ग्रुपको “हाइ-एण्ड अन्तर्वार्ता” लाई विशेष अन्तर्वार्ता दिनुभएकी छन्।
अन्तर्राष्ट्रिय ओलम्पिक समितिको अध्यक्षको रूपमा पदभार ग्रहण गरेपछि यो उहाँको पहिलो मिडिया अन्तर्वार्ता हो। उहाँले भन्नुभएको छ कि: हामीले ओलम्पिक गतिविधिको मूल्य र जीवन्तता कायम राख्नुपर्छ। हाम्रो जिम्मेवारी ओलम्पिक गतिविधिको संरक्षण र सुदृढीकरण गर्नु हो। म सबै पक्षहरूसँग मिलेर काम गर्न तत्पर छु।
प्रश्न सोधिएको छ कि धेरै वर्षदेखि चाइना मिडिया ग्रुप सधैँ अन्तर्राष्ट्रिय ओलम्पिक समितिको एक महत्त्वपूर्ण साझेदार रहेको छ। विश्वव्यापी सञ्चार परिदृश्यमा चाइना मिडिया ग्रुपको योगदानलाई कसरी मूल्याङ्कन गर्नुहुन्छ? भविष्यको सहयोगको लागि कस्तो सम्भावना छ? यससम्बन्धमा अध्यक्ष कोभेन्ट्रीले भन्नुभयो, ‘हाम्रो सहयोग धेरै उत्कृष्ट छ, र दुई पक्षहरू बीचको साझेदारी निरन्तर बलियो हुँदै गइरहेको छ र नजिक हुँदै गइरहेको छ। यसले वास्तवमा ओलम्पिक गतिविधिप्रति चीनको दृढ प्रतिबद्धतालाई प्रदर्शन गर्दछ, जुन ओलम्पिक आन्दोलनको लागि ठूलो महत्त्व छ, र हामीले चीनप्रति पनि त्यस्तै प्रतिबद्धता व्यक्त गरेका छौँ। मैले गर्नुपर्ने पहिलो कुरा भनेको अन्तर्राष्ट्रिय ओलम्पिक समितिका सबै सदस्यहरूसँग छलफल गर्नु र भेट्नु हो। हामी तुरुन्तै काम सुरु गर्ने छौँ, संवाद सुरु गर्ने छौँ र ओलम्पिक आन्दोलनको शक्तिको साक्षी हुने छौँ।’
