“दक्षिण चीन सागर: इतिहास र वास्तविकता” विषयक अन्तर्राष्ट्रिय शैक्षिक सेमिनार पैचिङमा
जुलाई १० तारिख चाइना इन्स्टिच्युट अफ साउथ चाइना सी स्टडीज र ह्वायाङ ओशन रिसर्च सेन्टरको संयुक्त आयोजनामा ”दक्षिण चीन सागर: इतिहास र वास्तविकता” विषयक अन्तर्राष्ट्रिय शैक्षिक सेमिनार पैचिङमा आयोजना गरिएको छ। बैठकमा चीन, मलेसिया, फिलिपिन्स, इन्डोनेसिया, सिंगापुर, दक्षिण कोरिया, बेलायत, क्यानडा, रूस र जर्मनी लगायत १० भन्दा बढी देश र क्षेत्रका १५० भन्दा बढी विज्ञ, विद्वान र संस्थाका प्रतिनिधिहरू उपस्थित भएका छन्।
सहभागीहरूले “दोस्रो विश्वयुद्धपछिको अन्तर्राष्ट्रिय व्यवस्था र दक्षिण चीन सागर टापुहरूको सार्वभौमिकता”, “राजनीतिक र कानुनी दृष्टिकोणबाट दक्षिण चीन सागरको इतिहास”, र “दक्षिण चीन सागर मध्यस्थता पुरस्कारको पुनर्मूल्याङ्कन” जस्ता विषयहरूमा गहन छलफल र आदानप्रदान गरेका छन्। चाइना इन्स्टिच्युट अफ साउथ चाइना सी स्टडीजको शैक्षिक समितिका अध्यक्ष तथा ह्वायाङ ओशन रिसर्च सेन्टरका अध्यक्ष ऊ शछुनको विश्वास छ कि दक्षिण चीन सागरको वर्तमान अवस्थाले तीन चुनौतीहरूको सामना गरिरहेको छ: पहिलो, अमेरिकाको हस्तक्षेपले द्वन्द्वलाई तीव्र बनाएको छ; दोस्रो, छिमेकी दाबीकर्ता देशहरूको उल्लङ्घन गतिविधिहरू बढ्दै गएका छन्; तेस्रो, “दक्षिण चीन सागरमा आचारसंहिता” मा परामर्शको अवस्था आशावादी छैन।
