बायर्नले जित्यो जर्मन सुपर कपको उपाधि
काठमाडौं । ह्यारी केन र लुइस डियजाको गोलमा भिएफबी स्टुटगार्डलाई पराजित गर्दै बायर्न म्युनिखले जर्मन सुपरकप जितेको छ ।
शनिबार राती भएको खेलमा बायर्नले स्टुटगार्टलाई २–१ ले पराजित गरेको हो ।
ह्यारी केनले १८औं मिनेटमा गोल गर्दै बायर्नलाई अग्रता दिलाएका थिए । यसै सिजन बायर्न भित्रिएका डियाजले ७७औं मिनेटमा गोल गर्दै अग्रता दोब्बर पारे ।
स्टुटगार्डका लागि इन्जुरी टाइमको तेस्रो मिनेटमा जेमी लेवेलिङले सान्त्वना गोल फर्काए ।
खेलमा बायर्नका गोलकिपर मानुएल नोएले उत्कृष्ट प्रदर्शन गर्दै राम्रा बचाउहरु गरेका थिए ।
