नेपाली सेनाको सिप र समर्पण: ओखलढुङ्गामा ७० फिट बेली ब्रिज जडान पूरा, यातायातमा क्रान्ति

ओखलढुङ्गा / नेपाली सेनाको अदम्य सिप, प्रविधिक कुशलता र राष्ट्र निर्माणप्रति अटूट समर्पणको एक राम्रो उदाहरण बनेर स्वर्ण सगरमाथा सडक खण्ड अन्तर्गत ओखलढुङ्गा जिल्लाको ठोट्ने खोलामा ७० फिट लम्बाईको आधुनिक बेली ब्रिज सफलतापूर्वक जडान भएको छ। भौतिक पूर्वाधार तथा यातायात मन्त्रालयको निर्देशनमा सेनाले अति छिटो समयमै यो महत्त्वपूर्ण पूर्वाधार परियोजना सम्पन्न गरी माघ १८ गते सडक डिभिजन कार्यालय हर्कपुरलाई हस्तान्तरण गरेको छ। यसले नेपाली सेनाको “राष्ट्र सेवा प्रथम” को आदर्शलाई पुष्टि गरेको छ।

यस बेली ब्रिजको स्थापनाले केवल यातायात कठिनाइ नै हटाएको छैन, त्यो भन्दाबढी ओखलढुङ्गाको सामाजिक आर्थिक विकासको लागि नयाँ मार्ग सिर्जना गरेको छ। स्थानीय बासिन्दाको दैनिक आवागमन, कृषि उत्पादनको ढुवानी, शिक्षा र स्वास्थ्य सेवा प्रवाहमा यसले ठूलो सहजता ल्याउने छ। आपतकालीन परिस्थितिमा यो पुल उद्धारकर्ताको भूमिका निर्वाह गर्नेछ। क्षेत्रका बासिन्दा, स्थानीय नेतृत्व र प्रशासनले यस निर्माणलाई “क्षेत्रमा यातायात क्रान्ति” को रूपमा स्वागत गर्दै नेपाली सेनाको अभूतपूर्व योगदानप्रति आभार व्यक्त गरेका छन्।

नेपाली सेनालाई यसरी पूर्वाधार विकासमा सक्रिय संलग्न भएको देखेर राष्ट्रको हरेक नागरिक गर्व अनुभव गर्छ। दुर्गम भू-भागमा पनि अत्याधुनिक प्रविधि र राष्ट्रिय एकताको शक्ति प्रयोग गरी सेनाले नेपालको विकास यात्रामा ऐतिहासिक भूमिका खेल्दै आएको छ। यो बेली ब्रिज जस्ता परियोजनाहरू सेनाको बहुआयामिक भूमिका, सामाजिक दायित्वबोध र मानवताको सेवार्थ समर्पित भावनाको प्रमाण हो।

यस उपलब्धिले नेपाली सेनाको सामर्थ्य र संवेदनशीलतालाई अझ उजागर गर्दै, राष्ट्र निर्माणको एउटा नयाँ नमूना कायम गरेको छ। सेनाको यो प्रशंसनीय पहलले सम्पूर्ण देशवासीमा आशा र आत्मविश्वासको सन्देश पुर्याएको छ।