चीन–क्युबा सम्बन्धको सुदृढीकरण : वाङ यी र रोड्रिगेजबीच टेलिफोन वार्ता
बेइजिङ – चिनियाँ कम्युनिष्ट पार्टी केन्द्रीय समितिको राजनीतिक ब्युरो सदस्य तथा विदेशमन्त्री वाङ यीले बिहीबार क्युबाली समकक्षी ब्रुनो रोड्रिगेज पारिल्लासँग टेलिफोन वार्ता गरेका छन्। क्युबाको अनुरोधमा भएको यो वार्तामा दुवै नेताबीच विभिन्न विषयमा छलफल भएको थियो।
क्युबाली कम्युनिष्ट पार्टी केन्द्रीय समितिको राजनीतिक ब्युरो सदस्यसमेत रहेका रोड्रिगेजले वार्ताका क्रममा आफ्नो मुलुकको वर्तमान अवस्थाबारे वाङ यीलाई जानकारी गराए। उनले चीनले क्युबालाई दिँदै आएको निरन्तर सहयोगप्रति हार्दिक आभार व्यक्त गरे।
दुवै पक्षले आपसी सम्बन्धलाई थप सुदृढ र विकास गर्दै लैजाने प्रतिबद्धता व्यक्त गरेका छन्। वार्ताले दुई देशबीचको कूटनीतिक सम्बन्धलाई नयाँ उचाइमा पुर्याउने विश्वास लिइएको छ।
