पूर्व ब्राजिल प्रशिक्षक डोरिभाल साओ पाउलोको प्रमुख दाबेदार
साओ पाउलो । ब्राजिलका पूर्व राष्ट्रिय टोली प्रशिक्षक डोरिभाल जुनियर साओ पाउलोको रिक्त प्रशिक्षक पदका लागि प्रमुख दाबेदारका रूपमा देखिएको व्यापक सञ्चारमाध्यमहरूले जनाएका छन्।
रोजर माचाडोलाई बर्खास्त गरेपछि क्लबका अधिकारीहरूले ६४ वर्षीय डोरिभालसँग प्रारम्भिक वार्ता गरेको समाचार संस्था यूओएलले बिहीबार जनाएको छ। सन् २०२४ को जनवरीदेखि २०२५ को मार्चसम्म ब्राजिलको राष्ट्रिय टोलीको जिम्मेवारी सम्हालेका डोरिभाल गत महिना कोरिन्थियन्सबाट अलग भएपछि बेरोजगार छन्।
साओ पाउलो हाल ब्राजिलको २० टोली सहभागी सिरी ए को तालिकामा १५ खेलबाट २४ अङ्कसहित चौथो स्थानमा छ। स्थायी प्रशिक्षक नियुक्ति नभएसम्मका लागि सहायक प्रशिक्षक मिल्टन क्रुजलाई अन्तरिम प्रशिक्षकको जिम्मेवारी दिइएको छ।
