अफगानिस्तानको सुनखानीमा सुरुङ भत्किँदा फसेका १० कामदारको उद्धार
ड्रागन मिडिया समाचार कक्ष
अफगानिस्तानको उत्तरी तखार प्रान्तस्थित सुनखानीमा सुरुङ भत्किँदा भित्र फसेका १० कामदारको सकुशल उद्धार गरिएको छ। प्रान्तीय प्रहरी प्रवक्ताका अनुसार उनीहरूलाई बिहीबार दिउँसो बाहिर निकालिएको हो।
चाह अब जिल्लास्थित खानीको सुरुङभित्र अयस्क निकाल्ने क्रममा बुधबार बिहान संरचना भत्किएपछि कामदारहरू थुनिएका थिए। घटनालगत्तै उद्धार टोली परिचालन गरिएको प्रहरी प्रवक्ताले बताए।
स्थानीय बासिन्दा र प्रहरीले पनि उद्धार कार्यमा साथ दिएका थिए। ३४ घण्टाभन्दा बढी समयसम्म चलेको प्रयासपछि सबै १० कामदारलाई सकुशल बाहिर निकालिएको उनले बताए।
