इरानले आणविक हतियार बनाउने योजना त्यागेको ट्रम्पको दाबी
ड्रागन मिडिया समाचार कक्ष
अमेरिकी राष्ट्रपति डोनाल्ड ट्रम्पले इरानले आणविक हतियार प्राप्त गर्ने योजना लगभग त्यागिसकेको दाबी गरेका छन्। इरानी अधिकारीहरूले भने आफ्नो देशले आणविक हतियार नचाहेको कुरा पटकपटक बताउँदै आएका छन्।
ह्वाइट हाउसको दक्षिणी चौरमा पत्रकारसँग कुरा गर्दै ट्रम्पले इरानले आणविक हतियार बनाउने योजना छाड्दै गएको बताए। इरानबारे आफूले अझै निर्णय गर्न बाँकी रहेको उल्लेख गरे पनि उनले त्यसबारे थप विवरण दिएनन्।
इरान पराजित भइसकेको दाबी गर्दै ट्रम्पले इस्लामिक गणतन्त्रसँगको द्वन्द्व राम्रो वा नराम्रो जुनसुकै रूपमा अन्त्य हुन सक्ने बताए।
अमेरिका र इजरायलले फेब्रुअरी २८ मा इरानविरुद्ध युद्ध सुरु गरेका थिए। जुनमा वासिङ्टन र तेहरानबीच लेबनानसहित सबै मोर्चामा तत्काल युद्धविराम गर्ने समझदारीपत्रमा हस्ताक्षर भएको थियो। तर होर्मुज जलडमरूमध्यसम्बन्धी समझदारी उल्लङ्घन गरेको आरोप लगाउँदै अमेरिकाले जुलाई ८ को रात इरानमाथि पुनः ठूलो स्तरका आक्रमण गरेको थियो।
विश्वको तेल व्यापारको करिब २५ प्रतिशत र तरलीकृत प्राकृतिक ग्यास व्यापारको लगभग २० प्रतिशत होर्मुज जलडमरूमध्य हुँदै ओसारपसार हुन्छ। त्यसपछि अमेरिकी प्रशासनले इरानविरुद्ध ठूलो स्तरको सैन्य बल प्रयोग रोक्ने र प्रतिबन्धमार्फत आर्थिक दबाब बढाउने नीति अपनाएको सङ्केत दिएको थियो।
