इन्धन र दैनिक उपभोग्य वस्तुको महँगीमा ट्रम्प नीतिमाथि प्रश्न
ड्रागन मिडिया समाचार कक्ष
अमेरिकी मतदाताले बढ्दो जीवनयापन खर्चका लागि राष्ट्रपति डोनाल्ड ट्रम्पका नीतिलाई जिम्मेवार ठहराउन थालेको रोयटर्स र इप्सोसको सर्वेक्षणले देखाएको छ। सर्वेक्षणमा सहभागी ट्रम्पका ५७ प्रतिशत रिपब्लिकन समर्थकले आफ्नो आम्दानीभन्दा खर्च छिटो बढिरहेको बताएका छन्।
अक्टोबर ८ मा अमेरिकामा पेट्रोलको औसत मूल्य प्रतिग्यालन ४.३६ अमेरिकी डलर पुगेको थियो, जुन अघिल्लो वर्षको सोही समयको ३.११ डलरभन्दा बढी हो। डिजेलको मूल्य प्रतिग्यालन ६.२८ डलर पुगेको थियो। इन्धन महँगिँदा ढुवानी, खेतीपाती र खाद्यवस्तुको मूल्यमा समेत दबाब पर्छ।
अमेरिकी प्रशासनले इरानसँगको युद्ध र तेल बजारको अस्थिरतालाई मूल्यवृद्धिको कारण बताएको छ। तर रोयटर्सको सर्वेक्षणमा सहभागीहरूबीच आयातमा लगाइएका शुल्क र सरकारका अन्य नीतिले पनि लागत बढाएको धारणा देखिएको छ। मूल्य घटाउने वाचा गरेर सत्तामा आएको सरकारका लागि इन्धन र खाद्यान्नको महँगी अब जनताको दैनिक खर्च र सरकारी नीतिको प्रत्यक्ष परीक्षा बनेको छ।
