पनामामा भूकम्पपछि चीनद्वारा समवेदना व्यक्त
ड्रागन मिडिया समाचार कक्ष
पनामामा ७.६ म्याग्निच्युडको भूकम्प गएपछि चीनले प्रभावित क्षेत्रका पानामाली सरकार र जनताप्रति समवेदना व्यक्त गरेको छ। चिनियाँ विदेश मन्त्रालयका प्रवक्ताले शनिबार यस्तो जानकारी दिएका हुन्।
भूकम्पमा चिनियाँ नागरिक हताहत भएको कुनै विवरण हालसम्म प्राप्त नभएको प्रवक्ताले बताएका छन्।
चिनियाँ विदेश मन्त्रालय र पनामास्थित चिनियाँ दूतावासले घटनाक्रम नजिकबाट निगरानी गर्ने र आवश्यकतामा रहेका चिनियाँ नागरिकलाई समयमै सहयोग गर्ने उनले बताए। भूकम्पपछि आउन सक्ने परकम्प तथा अन्य जोखिमबाट सतर्क रहन पनि पनामामा रहेका चिनियाँ नागरिकलाई आग्रह गरिएको छ।
