ईयूसँग द्वैध प्रयोजनका वस्तुको व्यापार बढाउन चीन तयार
ड्रागन मिडिया समाचार कक्ष
चीनले युरोपेली सङ्घ (ईयू)सँग द्वैध प्रयोजनका वस्तुको व्यापार प्रवर्द्धन गर्न र निर्यात नियन्त्रणसम्बन्धी संवाद संयन्त्रको भूमिका निरन्तर उपयोग गर्न तयार रहेको जनाएको छ।
चिनियाँ वाणिज्य मन्त्रालयका प्रवक्ता ह याडोङले बिहीबार नियमित पत्रकार सम्मेलनमा दुर्लभ माटोका खनिजको ईयूतर्फको निर्यात अनुमतिबारे सोधिएको प्रश्नको जवाफमा यस्तो बताएका हुन्।
चीनले ईयूमा दुर्लभ माटोका खनिज निर्यातका अनुमतिपत्र स्वीकृत गर्न सहजीकरण जारी राख्ने उनको भनाइ थियो। त्यसको पारस्परिकतामा द्वैध प्रयोजनका वस्तुसम्बन्धी चीनका प्रमुख अनुमतिपत्रका मामिला समाधान गर्न ईयूले पनि सहजीकरण गर्ने चीनको अपेक्षा रहेको उनले बताए।
