उएनो बैंक सङ्कटपछि पराग्वेका राष्ट्रपतिद्वारा राजीनामाको घोषणाv

ड्रागन मिडिया समाचार कक्ष

पराग्वेका राष्ट्रपति सान्टियागो पेञाले उएनो बैंकको सङ्कटपछि पदबाट राजीनामा दिने घोषणा गरेका छन्। बैंकका करिब ३० लाख ग्राहकको खातामा पहुँच रोकिएपछि देशमा वित्तीय र राजनीतिक सङ्कट चुलिएको छ।

“मैले गणतन्त्रको राष्ट्रपतिको पदबाट राजीनामा दिने निर्णय गरेको छु। देशको स्थिरतालाई ध्यानमा राखेर यो निर्णय गरेको हुँ,” पेञाले भनेका छन्।

पराग्वेको केन्द्रीय बैंकले न्यूनतम पुँजी पर्याप्तता मापदण्ड पूरा नगरेको भन्दै उएनो बैंकलाई नियन्त्रणमा लिएर समाधान प्रक्रिया अघि बढाएपछि ग्राहकका खाता र कारोबार रोकिएका थिए। बैंकमा सार्वजनिक निकाय तथा निवृत्तिभरण कोषको ठूलो रकमसमेत रहेको समाचार छ।

पेञाले राजीनामाको घोषणा गरेलगत्तै तल्लो सदनले उनीविरुद्ध महाभियोग प्रक्रिया अघि बढाउने पक्षमा सर्वसम्मत मतदान गरेको छ। राजीनामा स्वीकार गर्ने वा महाभियोग प्रक्रिया जारी राख्ने अन्तिम निर्णय सिनेटले गर्नेछ।

विपक्षी सांसदहरूले बैंकसँग जोडिएको प्रकरणमा पेञामाथि अवैध सम्पत्ति आर्जन र स्वार्थको द्वन्द्वको आरोप लगाउँदै महान्यायाधिवक्ताको कार्यालयमा उजुरी दिएका छन्। यी आरोपबारे छानबिन भइरहेको छ।