भियतनाममा वन कम्पनीका निर्देशकलाई कार्यालयमै गोली प्रहार

ड्रागन मिडिया समाचार कक्ष
भियतनामको दक्षिणी डोङ नाइ प्रान्तस्थित सरकारी वन कम्पनीका निर्देशकलाई कार्यालयमै गोली प्रहार गरिएको छ। घटनामा संलग्न व्यक्ति पछि अस्पतालमा मृत्यु भएको स्थानीय सञ्चारमाध्यम भिएनएक्सप्रेसले जनाएको छ।
रिपोर्टअनुसार, मंगलबार दिउँसो करिब २ बजे ती व्यक्ति निर्देशकको कार्यालयमा प्रवेश गरी स्थानीय रूपमा बनाइएको बन्दुकले गोली चलाएका थिए। घाइते निर्देशकलाई उपचारका लागि हो चि मिन्ह सहरस्थित अस्पताल लगिएको थियो।
गोली प्रहारपछि घटनास्थलबाट करिब चार किलोमिटर टाढाको एक समाधिस्थलमा पुगेका ती व्यक्तिले आफैँलाई गोली हानेका थिए। उनलाई स्थानीय अस्पताल पुर्याइए पनि पछि मृत्यु भएको भिएनएक्सप्रेसले जनाएको छ।
घटनाबारे प्रहरीले अनुसन्धान गरिरहेको छ।





