गुटेरेसको चेतावनी : मध्यपूर्व ‘नियन्त्रणभन्दा बाहिर जान सक्छ’, तत्काल वार्ता आवश्यक
संयुक्त राष्ट्र संघ — संयुक्त राष्ट्र महासचिव एन्टोनियो गुटेरेसले मध्यपूर्वको अवस्था ‘नियन्त्रणभन्दा बाहिर जान सक्ने’ चेतावनी दिएका छन्। शुक्रबार जारी गरेको वक्तव्यमा उनले युद्ध रोकेर गम्भीर कूटनीतिक वार्तामा जान आग्रह गरेका छन्।
मध्यपूर्व र यसबाहिरका सबै अवैध आक्रमणले सम्पूर्ण क्षेत्रका नागरिकहरूलाई ठूलो पीडा र क्षति पुर्याइरहेको तथा विश्व अर्थतन्त्र, विशेषगरी सबभन्दा कमजोर मानिसहरूका लागि गम्भीर जोखिम निम्त्याइरहेको गुटेरेसले बताए।
“दाँवमा के छ भन्ने कुरा योभन्दा ठूलो हुन सक्दैन,” उनले भने।
