रुस–युक्रेन द्वन्द्व अन्त्य गर्न दुवै पक्षसँग संवाद भइरहेको अमेरिकी ऊर्जा मन्त्रीको भनाइ
ड्रागन मिडिया समाचार कक्ष
अमेरिकी ऊर्जा मन्त्री क्रिस राइटले रुस र युक्रेनबीचको द्वन्द्व अन्त्य गर्न अमेरिकी प्रशासनले दुवै पक्षसँग निरन्तर संवाद गरिरहेको बताएका छन्। सीबीएससँगको अन्तर्वार्तामा उनले अमेरिकी राष्ट्रपति डोनाल्ड ट्रम्पले युद्ध अन्त्य गर्न निरन्तर प्रयास गरिरहेको र त्यसो भए ऊर्जा मूल्य उल्लेखनीय रूपमा घटाउन सकिने बताएका हुन्।
राइटका अनुसार ट्रम्पले राष्ट्रपति निर्वाचित हुनुअघि नै द्वन्द्व अन्त्य गर्न चाहेका थिए। “युद्ध अन्त्य गर्ने प्रयासमा दुवै पक्षसँग निरन्तर संवाद भइरहेको छ,” उनले भने।
रुसले युक्रेन सङ्कटको कूटनीतिक समाधानप्रतिको प्रतिबद्धता दोहोर्याउँदै आएको छ। तर वार्तामार्फत समाधान खोज्न किभ इच्छुक नभएको रुसको भनाइ छ।
