निर्वाचनको दिन युक्रेनमाथि आक्रमण रोक्न सेना परिचालन नगर्ने आदेश दिन पुटिन तयार : पेस्कोभ
ड्रागन मिडिया समाचार कक्ष
रुसी राष्ट्रपति भ्लादिमिर पुटिन युक्रेनमा निर्वाचन हुने दिन रुसी सेनालाई आक्रमण रोक्न आदेश दिन तयार रहेको क्रेमलिनका प्रवक्ता दिमित्री पेस्कोभले बताएका छन्।
पेस्कोभका अनुसार युक्रेनले वास्तवमै निर्वाचन गराउन चाहेमा पुटिनले सर्वोच्च सेनापतिका हैसियतमा निर्वाचनकै दिनका लागि यस्तो आदेश दिन सक्नेछन्। उनले यो प्रस्ताव निर्वाचनको दिनमा मात्र लागू हुने स्पष्ट पारे।
युक्रेनी राष्ट्रपति भोलोदिमिर जेलेन्स्कीले निर्वाचन गराउन ६० दिन आवश्यक पर्ने बताएको प्रसंगमा पेस्कोभले रुसलाई अस्थायी युद्धविरामभन्दा पुस्तौँसम्म टिक्ने स्थायी शान्ति चाहिएको बताए। रुसले आफ्नै राज्य डुमा निर्वाचनपछि तुरुन्तै शान्ति वार्ता अघि बढाउन तयार रहेको जनाएको पनि उनले उल्लेख गरे।
पेस्कोभले मस्को र रुसका नयाँ क्षेत्रका मतदान केन्द्र तथा निर्वाचन आयोगका सदस्यलाई युक्रेनले निशाना बनाएको आरोप लगाए। यस्ता घटनापछि वार्ता पुनः कहिले सुरु गर्ने भन्नेबारे सोच्नुपर्ने पुटिनले बताएको उनको भनाइ थियो।
