बजेट विवाद चर्किँदा सुदूरपश्चिमका एमाले सांसद थापाद्वारा प्रदेशसभा सदस्य पदबाट राजीनामा
ड्रागन मिडिया सम्वाददाता
सुदूरपश्चिम प्रदेशको बजेटप्रति असन्तुष्टि जनाउँदै नेकपा एमालेका प्रदेशसभा सदस्य वीरबहादुर थापाले पदबाट राजीनामा दिएका छन्। पूर्वमन्त्री थापा कञ्चनपुर निर्वाचन क्षेत्र नं. २(२) बाट प्रत्यक्ष निर्वाचित सांसद हुन्।
बजेटमाथिको छलफलमा प्रदेशसभामा आफ्नो धारणा राख्न नपाएको भन्दै थापा असन्तुष्ट बनेका थिए। उनले संसदीय दलका नेता राजेन्द्रसिंह रावलसँग बोल्न समय मागे पनि अनुमति नपाएको समाचारमा उल्लेख छ। एमालेकै सांसद धर्मराज पाठकले पनि बजेट निर्माण र पारित गर्ने प्रक्रियाप्रति सामाजिक सञ्जालमार्फत असन्तुष्टि जनाउँदै आएका थिए।
बजेटबारे उठेका प्रश्न र असन्तुष्टिको अध्ययन गर्न सभामुख भीमबहादुर भण्डारीले संसदीय अध्ययन समिति गठन गरेका छन्। समितिलाई कात्तिक २० गतेभित्र प्रतिवेदन बुझाउन निर्देशन दिइएको छ।
